Eng nei Spezialausstellung am Conservatoire National de Véhicules Historiques
Vum 19. Mee 2026 bis de 16. Mee 2027 invitéiert Iech de Conservatoire National de Véhicules Historiques zu Dikrech op déi grouss Sonderausstellung "British Sports Cars in Luxembourg" - eng Ausstellung, déi wäit iwwer d'Automobiltechnologie erausgeet a gläichzäiteg vu Passioun, Frëndschaft, Kultur a gemeinsamer Geschicht erzielt.
D'Ausstellung gëtt ënnert dem Patronage vun der britescher Ambassade zu Lëtzebuerg an a enker Zesummenaarbecht mam British Sports Car Owners Club Luxembourg (BSCOC) geschaf. Si gëtt vum Jean Hansen – Grënnungsmember a Sekretär vum CNVH a President vum BSCOC – an der Nadia Klasen, Historikerin vum CNVH, kuréiert.
En speziellen Deel vun der Ausstellung ass als Éier fir de Jean-Marie Schmit geduecht, e laangjärege a geschätzte Member vun deenen zwéi Veräiner, deem säin Enthusiasmus fir historesch Gefierer a säin Engagement en dauerhaften Afloss op d'lëtzebuergesch Oldtimer-Welt haten.
Fir den CNVH-President Tom Sauber ënnersträicht d'Patronage vun der britescher Ambassade déi wuessend kulturell Kooperatioun a Frëndschaft tëscht Lëtzebuerg a Groussbritannien – en Thema, dat him zënter Jore besonnesch um Häerz läit. D'Ausstellung gesäit sech dofir och als eng kulturell Bréck tëscht Mënschen, Gemeinschaften an Automobiltraditiounen.
D'Ausstellung féiert d'Visiteuren op eng Rees duerch déi faszinant Welt vun de britesche Sportween. Si presentéiert rar an aussergewéinlech Gefierer, déi een hautdesdaags selten op de Stroosse gesäit, souwéi populär britesch Sportween, déi Generatioune geprägt hunn. Dëst gëtt ergänzt vun impressionanten Rennween - dorënner fréi Kompressor-Sportween aus der Virkrichszäit, déi hirer Zäit wäit viraus waren. Vill aner Sportikonen aus Groussbritannien kompletéieren dës aussergewéinlech Ausstellung.
Fir d'Ausstellung ze begleeden, presentéiert d'CNVH och fir d'éischt Kéier hiren CNVH Gin, deen extra fir dës speziell Ausstellung a Kooperatioun mam lëtzebuergesche Produzent "Dear Gin" kreéiert gouf. E kann een op der Ouverture an duerno exklusiv am Musée-Shop probéieren.
Mat „British Sports Cars in Luxembourg“ setzt d'CNVH hir Missioun weider, d'Automobilgeschicht als lieweg Kulturgeschicht ze vermëttelen – a Mënschen duerch gemeinsam Passioun zesummenzebréngen.